- शुक्रबार, १२ असार, २०८३
काठमाण्डु, ६ भदौ– प्रधानमन्त्री सुशील कोइरालाले बाढीपहिरो प्रभावितलाई भोकै– नाङगै हुन नदिने प्रतिबद्धता जनाएका छन् ।
सिन्धुपाल्चोक जुरे पहिरो प्रभावितलाई लक्षित गरी राहत तथा पुनस्र्थापना कार्यक्रम ल्याउन माग गर्न बालुवाटार पुगेको एमाले नेता अमृत बोहोरा नेतृत्वको टोलीलाई कोइरालाले यस्तो बताएका हुन् ।
बोहराका अनुसार प्रधानमन्त्री कोइरालाले प्रभावित क्षेत्रमा राहत तथा उद्धारकार्यमा लापरबाही नगर्न सम्वद्ध निकायलाई निर्देशन दिइसकिएको बताए ।
उनले बाढीपहिरोका कारण विस्थापित भएकालाई तत्काल पुनस्र्थापना गर्न सरकार लागि परेको बताए ।
केही दिनअघि एमाओवादी नेता अग्नि सापकोटा नेतृत्वको टोलीले पनि प्रधानमन्त्री कोइरालालाई भेटी राहत तथा उद्धारको कामलाई तीव्रता दिन ध्यानाकर्षण गराएको थियो ।
