- बिहीबार, ७ साउन, २०८३
सर्लाही, १० असोज– सर्लाहीको हरिपुर्वा नगरपालिका–५ मा श्रीमानले गोली हानेर श्रीमतीको हत्या गरेका छन् ।
२३ वर्षीया चित्रलेखा यादवको गोली हानी हत्या भएको हो । सर्लाही प्रहरीका डिएसपी दीपक श्रेष्ठले श्रीमतीमाथि गोली चलाउने युवाको नाम अहिले सार्वजनिक नगरिने बताए ।
घटनापछि फरार रहेका उनको खोजी तीव्र पारिएको प्रहरीले जनाएको छ । श्रेष्ठका अनुसार ती युवकले बाबु ५४ वर्षीय रामदिनेश रायमाथि पनि गोली हानेका थिए । तर, उनी भने बाँच्न सफल भए ।
रायको हातमा गोली लागेको छ । उनको मंलगवास्थित प्रादेशिक अस्पतालमा उपचार भइरहेको छ ।
वैदेशिक रोजगारीका सिलसिलामा कुबेतमा रहेका मृतकका श्रीमान एक महिनाअघि घर आएको र त्यसयता पटकपटक उनीहरुबीच पारिवारिक झगडा हुने गरेको छिमेकीलाई उद्धृत गर्दै प्रहरीले जनाएको छ ।
घर छाडेर हिंडेका ती युवक गएराति साथीको मोटरसाइकलमा आएर अन्धाधुन्ध गोली चलाएर भागेका थिए ।
