- बिहीबार, ७ साउन, २०८३
सिरहा, ९ असोज– सिरहाको औरही गाउँपालिक–३ खजनपुर टोलमा छोराबुहारीको कुटपिटबाट वृद्धको मृत्यु भएको छ ।
कुटपिटबाट स्थानीय ६५ वर्षीय भालेश्वर यादवको मृत्यु भएको प्रहरीले जनाएको छ ।
प्रहरीका अनुसार भालेश्वरलाई सोमबार साँझ छोरा शैलेन्द्र र बुहारी रेणुकुमारी यादवले कुटपिट गरेका थिए ।
सिरहा प्रहरी प्रवक्ता डिएसपी मुक्ति सापकोटाले कुटपिटबाट गम्भीर घाइते भएका भालेश्वरलाई उपचारका लागि विराटनगर लैजाने क्रममा गएराति बाटैमा मृत्यु भएको हो ।
प्रहरीले कुटपिटमा संलग्न शैलेन्द्र र उनकी श्रीमती रेणुलाई पक्राउ गरेको छ ।
