- शुक्रबार, ८ साउन, २०८३
ललितपुर, २३ भदौ– लुटपाट आरोपमा ललितपुरबाट प्रहरी जवानसहित तीन जना पक्राउ परेका छन् ।
पक्राउ पर्नेमा प्रहरीको महाराजगन्ज वृत्तमा कार्यरत जवान डम्मलाल उपाध्याय, खोटाङका ३३ वर्षीय विकाश श्रेष्ठ र रामेछापका २८ वर्षीय मनोज भुजेज छन् ।
गत २९ साउनमा सातदोबाटो नजिकै दिउँसै एक व्यक्तिमाथि लुटपाट गरेको आरोपमा उनीहरुलाई प्रहरीको काठमाण्डु उपत्यका अपराध अनुसन्धान कार्यालयको टोलीले पक्राउ गरेको हो ।
उनीहरुले आईफोन दुई थान, सामसुङ फोन दुई थान, ल्पाटप र चार तोलाको सुनको सिक्री लुटेका थिए । प्रहरीले लुटेरा समूहको साथबाट दुई वटा मोटरसाइकल समेत बरामद गरेको छ ।
