- सोमबार, ११ साउन, २०८३
काठमाण्डु, ३ साउन– भौतिक पूर्वाधार तथा यातायातमन्त्री देवेन्द्र दाहालले एमाले अध्यक्ष एवं प्रधानमन्त्री केपी शर्मा ओली र कांग्रेसका सभापति शेरबहादुर देउवा आलोपालो प्रधानमन्त्री बन्ने सहमती भएको जानकारी दिएका छन ।
आज बिहिबार ६२ औँ इन्जिनियर दिवसको अवसरमा काठमाण्डुमा आयोजित कार्यक्रममा बोल्दै मन्त्री दाहालले यस्तो बताएका हुन । मन्त्री दाहालले प्रधानमन्त्री केपी शर्मा ओलीले दुई वर्ष सरकारको नेतृत्व गर्ने बताए ।
त्यसपछिको बाँकी कार्यकाल नेपाली कांग्रेसका सभापति शेरबहादुर देउवा प्रधानमन्त्री बन्ने उनले जानकारी दिएका छन । उनले कांग्रेस र एमालेका बीचमा भएको सहमती नलुकाइएको पनि बताएका छन ।
दाहालले राजनीतिक स्थायित्वका लागि दुई ठूला दलहरु मिलेर सरकार बनाएको दाबी गरेका छन । मन्त्री दाहालले सरकारलाई असफल हुने छुट नभएको समेत दाबी गरेका छन ।
