- सोमबार, ११ साउन, २०८३
काठमाण्डु, ३१ असार– नवनियुक्त खानेपानीमन्त्री प्रदीप यादवले वर्तमान सरकार लामो समय चल्ने बताएका छन् ।
सोमबार पदभार ग्रहण गरेपछि उनले वर्तमान सरकार प्रधानमन्त्री केपी ओली नेतृत्वको भएकाले लामो समय चल्ने दाबी गरेका हुन् ।
अहिलेको सरकार डबल इन्जिनको सरकार भएको पनि उनले बताए । ‘यो सरकार लामो चल्छ । किनकी यो केपी ओलीको सरकार हो । डबल इन्जिनको सरकार छ । यो इन्जिन एकदम झक्कासले चल्छ’, उनले भने, ‘हामी तेस्रो इन्जिनले धक्का दिइरहेका छौँ । यो सरकार आफ्नो अवधिसम्म चल्छ । डबल इन्जिनको सरकारलाई सफल बनाऔँ ।’
उनले सरकारलाई सफल बनाउन मन्त्रालयका सचिव र कर्मचारीलाई आग्रह गरे ।
