- शनिबार, २८ असार, २०८२
नवलपुर, २९ भदौ– नवलपरासी (बर्दघाट सुस्तापूर्व) को नवलपुरस्थित कालीगण्डकी करिडोरमा रातको समयमा सवारी साधन सञ्चालनमा रोक लगाइएको छ ।
करिडोर निर्माणको काम प्रभावित हुने भएकाले रातिको समयमा जिल्लामा पर्ने सडक खण्डमा राति सवारी सञ्चालनमा रोक लगाइएको प्रहरीले जनाएको छ ।
दुर्घटनाको सम्भावित जोखिमलाई ध्यानमा राखेर रातिको समयमा यातायात साधन सञ्चालनमा रोक लगाइएको नवलपुरका प्रहरी प्रमुख डिएसपी बेदबहादुर पौडेलले बताए ।
कालीगण्डकी करिडोरले नवलपुरमा ८७ किलोमिटर दूरी समेट्छ । उक्त सडक खण्डको आधाजस्तो भागमा फोन सम्पर्कसमेत नहुने भएकाले रातिको समयमा दुर्घटना भए उद्धारसमेत गर्न नसकिने डिएसपी पौडेलले जनाए ।
उक्त करिडोरबाट जिल्लाका विभिन्न स्थानका साथै तनहुँ, पाल्पा, स्याङ्जा र पोखरा जाने सवारी सञ्चालन हुँदै आएको छ ।
