- शनिबार, २८ असार, २०८२
काठमाण्डु, २८ भदौ– संविधानसभा अध्यक्ष सुवासचन्द्र नेम्वाङको निधनमा शोक प्रस्ताव पारित गर्दै राष्ट्रियसभा बैठक स्थगित भएको छ ।
राष्ट्रियसभा अध्यक्ष गणेशप्रसाद तिमिल्सिनाले प्रस्तुत गरेको शोक प्रस्ताव सर्वसम्मतिले पारित भएको हो ।
राष्ट्रियसभा बैठक आगामी असोज १२ गते दिउँसो १ बजे बस्ने गरी स्थगित भएको छ ।
बैठकमा नेम्वाङको आत्माको चीर शान्तिको कामना गर्दै एक मिनेट मौनधारण समेत गरिएको थियो ।
नेम्वाङको संसदीय यात्राको सुरआत नै राष्ट्रियसभाबाट भएको थियो । नेम्वाङ २०४८ सालमा राष्ट्रियसभा सदस्य थिए ।
सोमबार निधन भएका एमाले उपाध्यक्षसमेत रहेका नेम्वाङको बिहीबार राजकीय सम्मानसहित अन्त्येष्टि गरिएको छ ।
