- शुक्रबार, २७ असार, २०८२
काठमाण्डु, २५ भदौ– प्रहरीले त्रिभुवन अन्तर्राष्ट्रिय विमानस्थलबाट चार जनालाई पक्राउ गरेको छ ।
विमानस्थलको आगमन पार्किङबाट भन्सार छलेर लैजान लागेको दुई थान ब्रासलेट र एक थान बेरुवा औंठीसहित उनीहरुलाई पक्राउ गरिएको हो । सुनजस्तो देखिने उक्त पदार्थको तौल ८५ ग्राम छ ।
पक्राउ पर्नेमा काठमाण्डु महानगरपालिका–८ का ३० वर्षीय शनि देउला, मोरङ पथरी शनिश्चरे नगरपालिका–१ का ३८ वर्षीय कमल गुरुङ तथा ताप्लेजुङ आठराई त्रिवेणी गाउँपालिका–१ का २१ वर्षीय अनिश गुरुङ र २१ वर्षीय रोशन विश्वकर्मा छन् ।
प्रहरी प्रवक्ता कुबेर कडायतले हिमालय एयरको उडानद्वारा कतारको दोहाबाट आएका अनिश र रोशनले उक्त धातु ल्याएका थिए । शनि देउला र कमल गुरुङले उनीहरुका साथबाट सो सामान लिएर बाहिर निस्कन लागेका थिए ।
प्रहरीले गतिविधि शंकास्पद लागेर उनीहरुलाई पक्राउ गरेको हो ।
