- बुधबार, २५ असार, २०८२
बारा, ७ भदौ–बारा बस दुर्घटनामा ज्यान गुमाउने सबै सात जनाकै सनाखतभएको छ ।
बारा प्रहरीका डिएसपी दलिराम न्यौपानेले १ नेपाली र ६ भारतीयको मृत्यु भएको बताए । मृत्यु हुने नेपालीमा महोत्तरी लोहारपटीनगरपालिका– ५ का ४१ वर्षीय विजय लाल पण्डित छन् । भारतको राजस्थानका ७० वर्षीय राजेन्द्र चतुरबेदी, ६५ वर्षीया श्रीकान्तचतुरबेदी, ६७ वर्षीय बहादुर सिंह, ६० वर्षीया सत्यवती, ६७ वर्षीया बैजन्ती देवी र ६५ वर्षीया मिरा देवीको मृत्यु भएको न्यौपानेले बताए।
२६ तिर्थालु बोकेको मधेश प्रदेश ०३–००१ ख ७९९४ नम्बरको बस बिहीबार पूर्वपश्चिम राजमार्गअन्तर्गत बिहान साढे २ बजे बाराकोजितपुरसिमरा उपमहानगरपालिका– २२ स्थित चुरीयामाई मन्दीर नजिकै सडकबाट १५ मिटर तल खसेर दुर्घटना भएको थियो ।
दुर्टनामा तीन नेपालीसहित १७ जना घाइते भएको न्यौपानेले बताए ।
दुर्घटनापछि फरार चालक र सहचालकलाई प्रहरीले धनुषाबाट पक्राउ गरेको छ ।
