- बुधबार, ४ असार, २०८२
काठमाण्डु, २५ चैत – सत्यनिरुपण तथा मेलमिलाप आयोगको विधेयकमा समावेश गर्ने विषयहरुका बारेमा प्रमुख तीन दलका शीर्ष नेताहरुबीच आज पनि छलफल हुने भएको छ ।
विधेयकमा कुन कुन विषय समेट्ने र कस्ता प्रावधान राख्ने भन्ने विषयमा छलफल हुन लागेको हो ।
द्वन्द्वकालका गम्भीर मानवअधिकार उल्लंघनका घटनामा संलग्नलाई कस्तो कारवाही हुने भन्ने विषयमा दलहरुबीच कुरा मिल्न सकेको छैन ।
सत्तारुढ दलले बनाएको विधेयकमा एमाओवादीले आपत्ति जनाएपछि तीन दलबीच छलफल हुन लागेको हो ।
दिनभर कार्यदलले गरेको तयारीपछि वेलुका तीन दलका शीर्ष नेताको बैठक बस्ने प्रधानमन्त्री निवास बालुवाटार स्रोतले जनाएको छ ।
विधेयक मस्यौदा बनाउन सरकारले एकतर्फी र षडयन्त्रमुलक ढंगले कार्यदल बनाएको भन्दै एकिकृत नेकपा माओवादीले त्यस्तो विधेयक जलाउने चेतावनी दिएपछि प्रमुख दलका नेताहरुले विधेयकको मस्यौदा बनाउन कार्यदल बनाइएको थियो ।
कार्यदलले बनाएको मस्यौदामाथी शीर्ष नेताहरुले छलफल गरेर टुंगो लगाउने भएका छन् । नेताहरुले भने सहमति नजिक पुगेको बताउँदै आएका छन् ।
