- मंगलबार, ३ असार, २०८२
काठमाण्डु, २० चैत – प्रधानमन्त्री सुशील कोइरालाले राजनीतिक दलहरुबीच संविधान निर्माण र सरकारको गतिशीलताका बारेमा घनिभूत छलफल भइरहेको बताएका छन् ।
नेपाल प्राध्यापक संघको प्रतिनिधिमण्डलसँग विहीबार प्रधानमन्त्री तथा मन्त्रिपरिषद्को कार्यालयमा भएको भेटमा प्रधानमन्त्री कोइरालाले पूर्व प्रतिबद्धताअनुसार एक वर्षभित्र संविधान जारी गराउन आफू दृढताका साथ अधि बढेको उल्लेख गरे ।
भेटमा प्रतिनिधि मण्डलको नेतृत्वको गरेका संघका अध्यक्ष रामेश्वर उपाध्यायले दिएको जानकारी अनुसार प्रधानमन्त्री कोइरालले सबै दलहरुबीचको सहमतिमा लोकतान्त्रिक संविधान जारी हुने विश्वास पनि व्यक्त गरे ।
