- शुक्रबार, ८ साउन, २०८३
काठमाण्डू, ८ साउन– सरकारले सबै मित्रराष्ट्रहरूसँगको सम्बन्धलाई प्रगाढ तुल्याउँदै आवश्यकताअनुसार उच्चस्तरीय भ्रमणलाई पनि निरन्तरता दिने जनाएको छ ।
आज (शुक्रबार) परराष्ट्र मन्त्रालयमा शुक्रबार आयोजित नियमित पत्रकार सम्मेलनमा सहसचिव एवं परराष्ट्रका प्रवक्ता लोकबहादुर पौडेलले यसबारे जानकारी गराएका हुन । उनले प्रचलित कूटनीतिक अभ्यासबमोजिम सरकारले उच्चस्तरीय भ्रमणको तयारी गरिरहेको पनि जानकारी गराए ।
सत्ता घटक दल राष्ट्रिय स्वतन्त्र पार्टी (रास्वपा)को अनुरोधका आधारमा सभापति रवि लामिछानेको चीन भ्रमणको सहजीकरण गर्न परराष्ट्र मन्त्रालय तयार रहेको पनि बताए । प्रवक्ता क्षेत्रीले कूटनीतिक आधारमा सबै भ्रमणहरू सम्पन्न हुने बताए ।
प्रवक्ता क्षेत्रीले भने, ‘राजनीतिक दलहरूबीच हुने भ्रमण वा आदानप्रदान सम्बन्धित दलहरूको विषय हो । त्यस्तो भ्रमणका लागि परराष्ट्र मन्त्रालयको समन्वय वा कूटनीतिक सहजीकरण आवश्यक पर्ने अवस्था आएमा सम्बन्धित राजनीतिक दलको अनुरोधका आधारमा मन्त्रालयले आवश्यक सहजीकरण गर्नेछ ।’
एक प्रश्नको जवाफमा उनले प्रधानमन्त्री वालेन्द्र शाहका प्रमुख सल्लाहकार कुमार वेनको भारत भ्रमणबारे मन्त्रालय अनभिज्ञ रहेको समेत उनले बताए ।
उनले सांस्कृतिक कूटनीति हरेक देशको कूटनीतिक अभ्यासको महत्त्वपूर्ण पक्ष भएको उल्लेख गर्दै यसलाई अझ प्रभावकारी र सुदृढ बनाउने नीति सरकारले लिएको समेत बताए ।
