- बुधबार, ६ साउन, २०८३
काठमाण्डू, ६ साउन– आइतबार अमेरिकाको मेटलाइफ स्टेडियममा सम्पन्न फिफा विश्वकपको फाइनलमा स्पेनसँग ०–१ ले पराजित भएपछि अर्जेन्टिनी ड्रेसिङ रूमको एउटा भिडिओ सामाजिक सञ्जालमा भाइरल बनेको छ।
कप्तान लियोनेल मेसीले मैदान प्रवेश गर्नुअघि आफ्ना साथीहरूलाई दिएको अन्तिम सन्देश र खेलाडीहरूको शान्त प्रतिक्रियाले इन्टरनेटमा व्यापक बहस र अड्कलबाजी सिर्जना गरेको हिन्दुस्तान टाइम्सले जनाएको छ ।
अर्जेन्टिनाको ‘टिवाइसी स्पोर्ट्स’ ले पहिलो पटक सार्वजनिक गरेको उक्त क्लिपमा मेसी आफ्नो टिमको जर्सीमाथि आधिकारिक ज्याकेट लगाएर ड्रेसिङ रूमबाट बाहिर निस्कँदै गरेका देखिन्छन् ।
हिन्दुस्तान टाइम्सका अनुसार मेसीले आफ्नै शान्त शैलीमा स्पेनिस भाषामा साथीहरूसँग भन्छन्, ‘ठिक छ साथीहरू, शान्त रहौं। सबभन्दा महत्त्वपूर्ण कुरा हामी संयमित रहनु हो ।’
विश्वकपको फाइनल जस्तो खेलअघि कप्तानबाट आउने सामान्य र संयमित सन्देश जस्तै लागे पनि त्यसपछिको उहाँको अर्को वाक्यले भने इन्टरनेटमा सबैको ध्यानाकर्षण गराएको छ ।
‘सबै कुरा बिर्सिदेऊ। केवल खेल खेल । साथीहरू, मात्र दौडिनेबारे सोच, मेसीले थपे । मेसीका यी शब्द सार्वजनिक भएलगत्तै सामाजिक सञ्जालमा विभिन्न अड्कलबाजी सुरु भएका छन् ।
कतिपय प्रशंसकले खेल सुरू हुनुअघि नै अर्जेन्टिनी ड्रेसिङ रूमभित्र केही गडबडी वा दबाब थियो कि भनेर आशंका व्यक्त गरेका छन् । यद्यपि, टोलीभित्र कुनै आन्तरिक समस्या थियो भन्ने पुष्टि गर्ने कुनै प्रमाण छैन।
