- आइतबार, १० साउन, २०८३
काठमाण्डू, १२ चैत– श्रम संस्कृति पार्टीका अध्यक्ष हर्क साम्पाङले आफ्नो पार्टीले सरकारलाई रचनात्मक र आलोचनात्मक समर्थन गर्ने नीति लिएको बताएका छन ।
आज (बिहिबार) शपथ ग्रहणका लागि सिंहदरबारस्थित संसद् भवन परिसर पुगेका अध्यक्ष साम्पाङले सञ्चारकर्मीसँग कुरा गर्दै यस्तो बताएका हुन । उनले भने, ‘हामी प्रतिपक्षमा रहन्छौँ । हामीले पाएको म्यान्डेट नै यही हो ।
तर, रचनात्मक र आलोचनात्मक समर्थन रहन्छ, प्रतिपक्षी भन्नेबित्तिकै विरोध गरिहाल्ने भन्ने हुँदैन । राम्रो काम गर्दा हाम्रो पूर्ण समर्थन भइहाल्छ ।’ उनले यसपटकको संसद्मा आफूसहित धेरै नयाँ रहेको भन्दै सिक्नुपर्ने धेरै रहेको पनि बताएका छन ।
उनले भने, ‘नयाँ छौं सिक्नुपर्ने थुप्रो छ । पहिले प्रश्न गर्ने ठाउँमा थियौं । अहिले गाली खाने ठाउँमा आइयो । उत्साह थोरै छ, जिम्मेवारी बोध धेरै छ ।’
