- सोमबार, ११ साउन, २०८३
काठमाण्डू, ८ चैत– प्रहरीले काठमाण्डू महानगरपालिका–११ सुन्धारा स्थित होटल न्यु निप्पोनबाट लागुऔषध खैरो हेरोइन सहित तीन जनालाई पक्राउ गरेको छ ।
पक्राउ पर्नेमा चितवनको भरतपुर घर भएकी ४० वर्षीया सपना गुप्ता, तनहुँको बन्दीपुर घर भएका ४२ वर्षीय लुजा शाक्य र कास्की घर भएका २२ वर्षीय जोशिल बानियाँ रहेको प्रहरीले जनाएको छ ।
चैत ५ मा प्रहरीले उनीहरूलाई होटलबाट पक्राउ गरेको हो । आरोपीहरूले किनबेच गर्न लागेको अवस्थामा ८० ग्राम खैरो हेरोइन बरामद गरिएको उपत्यका अपराध अनुसन्धान कार्यालयका एसपी मनोहर भट्टले जानकारी दिएका छन ।
तनहुँ घर भएर अहिले चितवन बस्दै आएका लुजा शाक्य कृषि तथा भेटनरी क्याम्पसका शिक्षक समेत हुन । आरोपीहरूमाथि थप अनुसन्धान र कारवाहीका लागी जिल्ला प्रहरी परिसर काठमाण्डू पठाइएको एसपी भट्टले जानकारी दिएका छन ।
