- सोमबार, ११ साउन, २०८३
काठमाण्डू, २७ फागुन– प्रतिनिधि सभा सदस्य निर्वाचन अन्तर्गत मत गणना (प्रत्यक्ष र समानुपातिक) सकिएसँगै निर्वाचन आयोगले समानुपातिक तर्फका उम्मेदवार सिफारिस गर्न आजै पत्राचार गर्ने तयारी गरेको छ ।
मतगणना सकिएसँगै आयोगले दलहरूलाई आजै समानुपातिक उम्मेदवार सिफारिस गर्न पत्राचार गरिने निर्वाचन आयोगका प्रवक्ता नारायणप्रसाद भट्टराईले जानकारी दिएका छन । ‘मतगणना सम्पन्न भइसकेको छ ।
मतगणना सम्पन्न भइसकेपछि निर्वाचन आयोगले अहिले सम्बन्धित निर्वाचन क्षेत्रबाट मतगणनाको प्रतिवेदन सङ्कलन गर्ने काम गरिरहेको छ, ‘सम्बन्धित दलहरूले समानुपातिकतर्फ प्राप्त गरेको सिट सङ्ख्या यकिन गर्दै उम्मेदवार सिफारिस गर्न दलहरूलाई आजै पत्राचार गरिनेछ ।’
दलहरूबाट उम्मेदवार सिफारिस भएर आयोगमा आएपछि सम्बन्धित क्लष्टर अनुसार कानुन बमोजिम समावेशी भएरभएको रुजु गरेर समानुपातिकतर्फबाट निर्वाचित हुने सांसदहरूको अन्तिम सूची तय गरिने आयोगले जनाएको छ ।
