- आइतबार, ७ असार, २०८३
काठमाण्डू, १३ कात्तिक- नेकपा एकीकृत समाजवादीका महासचिव घनश्याम भूसालले माओवादी केन्द्र फुट्न सक्ने बताएका छन् ।
बुधबारदेखि जारी केन्द्रीय समिति बैठकमा भुसालले पार्टी फुटाउन प्रयास गरिरहेका नेताहरु आफ्नो सम्पर्कमा रहेको बताए । आफ्नो पार्टीसँगको एकता प्रक्रियाबारे माओवादीभित्र विवाद रहेको र असन्तुष्ट समूहले पार्टी फुटाउन सक्ने उनको भनाइ थियो ।
उनले अवसरका लागि भौतारिँदा भौतारिँदै माओवादी खिइँदै गएको र अहिलेको अवस्थामा समेत सो पार्टी नरहने देखिएकाले एकताको निर्णयमा पुग्नुअघि त्यसबारे सचेत रहनुपर्ने औंल्याए ।
आफू बामपन्थी आन्दोलन एकताबद्ध हुनुपर्ने पक्षमा रहे पनि नेता मात्रको एकतालmेपरिणाम दिन नसक्ने तर्क भुसालले गरे ।
भागबण्डामा आधारित एमाले र माओवादीबीचको एकता टुटेको सन्दर्भ उल्लेख गर्दै उनले यसपटक पनि भागबण्डाका आधारमा मात्र एकता गर्न खोजिएकाले दिगो हुनेमा आफूलाई शंका लागेको बताए ।
