- बुधबार, ११ असार, २०८२
ललितपुर, ११ असार– मनोहरा खोलामा हामफालेका युवकको सशस्त्र प्रहरीले सकुशल उद्धार गरेको छ ।
नुवाकोटका १८ वर्षीय आयुष बडाल बुधबार बिहान पौने ७ बजेतिर ललितपुर महानगरपालिका–९ बालकुमारीबाट मनोहरामा हामफालेका थिए ।
च्यासलस्थित एमाले कार्यालयको सुरक्षार्थ तैनाथ टोलीले युवकको उद्धार गरेको सशस्त्र प्रहरी बलका सह–प्रवक्ता डिएसपी शैलेन्द्र थापाले बताए ।
बालकुमारीस्थित पुनर्जीवन अस्पतालमा उपचाररत बडाल किन हामफाले भन्नेबारे प्रहरीले अनुसन्धान अघि बढाएको छ । उद्धार गरिएका बडालको अवस्था सामान्य रहेको पनि थापाले जानकारी दिए ।
