संघीय सरकारमा ५ हजार प्रहरी भए पुग्छः निधि

पूर्वगृहमन्त्रीसमेत रहेका निधिले नयाँबानेश्वरस्थित संघीय संसद् भवनको ल्होत्से हलमा मंगलबार बसेको पार्टी संसदीय दल बैठकमा संघमा अनावश्यक प्रहरी राख्न जरुरी नरहेको बताए ।

‘संघमा ५ हजार प्रहरी राखेर बाँकीलाई प्रदेशमा समायोजना गर्दा हुन्छ’, बैठकमा निधिले भने । प्रहरी र सशस्त्र प्रहरीको संख्या हाल १ लाख १५ हजार बढी छ । उनले काठमाण्डू केन्द्रित नेतृत्वले अधिकार दिन हिच्किचाएका कारण संघीयताको औचित्यतामाथि प्रश्न उठाउन थालिएको बताए ।