- सोमबार, २९ पुष, २०८१
काठमाण्डू, २६ पुस– नेपाल विद्युत प्राधिकरणका सञ्चालक समिति सदस्य नियुक्त लक्ष्मण केसीलाई कामकाज नगर्न उच्च अदालत पाटनले आदेश दिएको छ ।
न्यायाधीशद्वय श्यामकुमार भट्टराई र डिल्लीरत्न श्रेष्ठको इजलासले शुक्रबार केसीको नियुक्ति कार्यान्वयन नगर्न अन्तरिम आदेश जारी गरेको हो ।
केसीलाई ऊर्जामन्त्री दीपक खड्काले गत २ पुसमा सञ्चालक समिति सदस्य नियुक्त गरेका थिए ।
केसीको नियुक्तिविरुद्ध जनार्दन जोशीले उच्चमा रिट निवेदन दायर गरेका थिए ।
