- मंगलबार, ५ साउन, २०८३
काठमाण्डू, ४ कात्तिक- स्याङ्जाको चापाकोट नगरपालिका-४ मा बम विस्फोट हुँदा नेपाली सेनाबाट अवकाश प्राप्त गोविन्द पुरी घाइते भएका छन् ।
पुरीगाउँस्थित उनको आफ्नै घरमा सकेट बम बिस्फोट हुँदा भएको प्रहरीले जनाएको छ ।
४५ वर्षीय भूपू सैनिक पुरी २ वर्षअघि सेवा निवृत्त भएका थिए ।
घरको दोस्रो तलामा पुराना भाडावर्तनहरु फाल्ने क्रममा अचानक सकेट बम विस्फोट भएको पुरीले बताएका छन् ।
उनको आँखा नजिकै र बाँया खुट्टा तथा शरीरका अन्य भागमा चोट लागेको स्याङ्जा प्रहरीका डीएसपी हरिप्रसाद पौडेलले जानकारी दिए ।
उपचारपछि प्रहरीले पुरीलाई पक्राउ गरेको छ ।
यसैबीच प्रहरीले पुरीको घरबाट थप केही विस्फोटक पदार्थ बरामद गरेको छ ।
