- आइतबार, १० साउन, २०८३
काठमाण्डु, १४ साउन–विशेष अदालतले निलम्बित मुख्यसचिव बैकुण्ठ अर्यालसँग ५० हजार रुपैयाँ धरौटी मागेको छ ।
अन्तःशुल्क स्टिकर खरिद अनियमिततामा अख्तियार दुरुपयोग अनुसन्धान आयोगले अर्यालसहित १२ जनाविरुद्ध ३८ करोड ६७ लाख १७ हजार ६ सय ४० रुपैयाँ बिगो तथा जरिवाना र ८ देखि १० वर्षसम्म कैद सजायको मागसहित अख्तियार दुरूपयोग अनुसन्धान आयोगले विशेषमा मुद्दा दायर गरेको थियो ।
त्यससँगै अर्याल निलम्बनमा परेका थिए । आइतबार उपस्थित भएका अर्याललाई विशेषले ५० हजार धरौटीमा छाडेको हो । विशेषका सह–प्रवक्ता यज्ञराज रेग्मीले जानकारी दिए।
अर्याललाई न्यायाधीशहरु टेकनारायण कुँवर, रामबहादुर थापा र रितेन्द्र थापाको इजलासले ५० हजार धरौटीमा छोडेको जानकारी दिए ।
अर्याल सञ्चार सचिव भएका बेला सुरक्षण मुद्रण विकास समिति अध्यक्षका हैसियतले अन्तशुल्क स्टिकर छपाईसम्बन्धी अनियमिततामा मुछिएको आरोप अख्तियारको छ ।
