- सोमबार, ११ साउन, २०८३
रौतहट, २६ असार– रौतहटमा धारिलो हतियार प्रहार गरी युवकको हत्या भएको छ ।
इशनाथ नगरपालिका–९ लवतनाका १८ वर्षीय सहबाज मिया आलमको अज्ञात समूहले पेटमा धारिलो हतियार प्रहार गरी हत्या गरेको प्रहरीले जनाएको छ ।
आलमको शव शनाथ नगरपालिका–२, औरैयास्थित आप बगैंचामा फेला परेको थियो । रौतहट प्रहरी प्रमुख एसपी दिलिप घिमिरेले सँगै बसेर लागुऔषध सेवन गर्ने क्रममा विवाद भएपछि हत्या भएको हुन सक्ने आशंका गरिएको बताए ।
मृतकको शव पोस्टमार्टमका लागि प्रादेशिक अस्पताल गौरमा राखिएको र घटनाबारे अनुसन्धान थालिएको घिमिरेले जानकारी दिए ।
