काठमाडु, २३ वैशाख– गण्डकीका सभामुख कृष्ण धितालले मुख्यमन्त्री खगराज अधिकारीले विश्वासको मत पाएको बताएका छन् ।
सभामुख धितालले आइतबार प्रदेशसभा बैठकमा अधिकारीले विश्वासको मत पाएको घोषणा गरे । त्यसअघि अधिकारीले प्रदेशसभामा विश्वासको मतसम्बन्धी प्रस्ताव पेश गरेका थिए ।
अधिकारीको पक्षमा ३० मत परेको छ । गण्डकीको प्रदेशसभामा ६१ सांसद छन् ।
यसैबीच काँग्रेसले ३० मतले बहुमत नहुने भन्दै सभामुखले गैरकानूनी रुपमा मुख्यमन्त्रीले विश्वासको मत पाएको घोषणा गरिएको भन्दै विरोध गरेको छ ।