काठमाडु, २३ वैशाख– उपेन्द्र यादव नेतृत्वको जनता समाजवादी पार्टी (जसपा) विभाजित भएको छ ।
अशोक राई नेतृत्वमा जसपा विभाजित भएको हो । विभाजित समूहले निर्वाचन आयोगमा नयाँ पार्टी दर्ताका लागि निवेदन दिएको छ ।
राईनिकट सांसद प्रदीप यादवले जनता समाजवादी पार्टीको नाममा नयाँ दल दर्ताका लागि आयोगमा निवेदन दिएको जानकारी दिए । उनले आफूहरुको पक्षमा ७ सांसदको समर्थन रहेको बताए । प्रतिनिधि सभामा जसपाका १२ जना सांसद छन् ।
सो समूहका राईसहित प्रदीप यादव, नवलकिशोर साह, वीरेन्द्र महतो, रञ्जु ठाकुर, हसिना खान र सुशीला श्रेष्ठ छन् ।