- शनिबार, २२ वैशाख, २०८१
yamlal सुर्खेत, १३ वैशाख– कर्णाली प्रदेशका मुख्यमन्त्री यामलाल कँडेलले आज प्रदेशसभामा विश्वासको मत लिँदै छन् ।
मुख्यमन्त्रीले विश्वासको मत लिने प्रयोजनका लागि अपराह्न ३ बजे प्रदेश सभा बैठक आह्वान गरिएको प्रदेशसभा सचिवालयले जनाएको छ । सत्तारुढ घटकबीच मन्त्रालयमा भागबण्डा मिलेपछि मुख्यमन्त्रीले विश्वासको मत लिएका हुन ।
दलहरुबीचको सहमतिअनुसार माओवादी केन्द्रले आर्थिक मामिला तथा योजना, सामाजिक विकास, उद्योग, पर्यटन, वन तथा वातावरण र जलस्रोत तथा ऊर्जा विकास मन्त्रालय लिने भएको छ ।
एमालेले भौतिक पूर्वाधार तथा सहरी, आन्तरिक मामिला तथा योजना र भूमि व्यवस्था, कृषि तथा सहकारी मन्त्रालय लिने भएको छ । यद्यपि आकांक्षी व्यवस्थापन गर्न नसक्दा मन्त्रीहरुको नाम भने अझै टुंगिएको छैन । माओवादी केन्द्रबाट बुधबार रणसिंह परियार बिनाविभागीय मन्त्री नियुक्त भएका थिए ।
कँडेल गत २७ चैत्रमा मुख्यमन्त्री नियुक्त भएका थिए । संवैधानिक प्रावधानअनुसार मुख्यमन्त्रीले नियुक्त भएको ३० दिनभित्र प्रदेशसभाबाट विश्वासको मत लिनुपर्छ ।
