काठमाण्डु, ११ वैशाख– पृथ्वी राजमार्ग अन्तर्गत धादिङको गजुरी गाउँपालिका–६, बन्छेटारमा गुडिरहेको एक ट्रकमा आगलागी भएको छ । ना ४ ख ८६१७ नम्बरको ट्रकमा मंगलबार बिहानआगलागी भएको हो ।
केमिकल लोड गरिएको उक्त ट्रक रुपन्देहीको सुनौलीबाट काठमाण्डु आइरहेका बेला आगलागीमा परेको हो । आगलागीको कारणखुलेको छैन ।आगलागीपछि राजमार्गमा सवारी आवागमन केहीबेर प्रभावित भएको थियो । धुनिबेसी नगरपालिकाको दमकलकोसहायतामा आगो निभाएपछि राजमार्गमा यातायात सुचारु गरिएको जिल्ला प्रहरी प्रवक्ता मकेन्द्र मिश्रले जानकारी दिए । उनका अनुसारट्रक चालक सुशील विक सकुशल छन् ।