एमालेमा प्यानल बनाएर चुनाव लडे कारबाही गर्ने ओलीको चेतावनी

काठमाण्डु, ८ असोज– एमाले अध्यक्ष केपी ओलीले पार्टीको बागमती प्रदेश अधिवेशनमा प्यानल बनाएर चुनाव लडेको पाइए कारबाही गर्ने चेतावनी दिएका छन् ।
एमाले बागमती प्रदेश सम्मेलनको सोमबार राजधानीमा उदघाटन गर्दै ओलीले प्यानल बनाएर चुनाव नलड्न निर्देशन दिए । त्यसो गरेको भेटिए उम्मेदवारी खारेज हुने चेतावनी दिए । चुनाव मात्र लोकतन्त्रको अभ्यास नभई मिल्नु पनि लोकतन्त्रको सुन्दर पक्ष रहेको जिकिर उनको थियो । ‘चुनाव लड्नुस्, लड्न दिनुस्। स्वस्थ प्रतिस्पर्धा गर्नुस् । प्यानल बनाएर बनाइएको थाहा भयो भने प्यानलको सिंगै उम्मेदवारी पनि खारेज हुन सक्छ,’ ओलीले भने ।