- शुक्रबार, १५ मंसिर, २०८०
काठमाण्डू, ४ असोज–सरकार र आन्दोलनरत शिक्षक प्रतिनिधिबीचबिहीबार सॉझ भएको वार्ता निस्कर्षमा पुग्न सकेन । गृह मन्त्रालयमा भएको
वार्तामा सरकारका तर्फबाट उपप्रधानमन्त्री तथा गृहमन्त्री नारायणकाजी श्रेष्ठ, शिक्षा, विज्ञान तथा प्रविधिमन्त्री अशोककुमार राई, अर्थमन्त्री डा. प्रकाशशरण महत, कानुन, न्याय तथा संसदीय मामिलामन्त्री धनराज गुरुङ र सञ्चार तथा सूचना प्रविधिमन्त्री रेखा शर्मासहभागी थिए । शिक्षकहरुका तर्फबाट आन्दोलनको नेतृत्वकर्ता शिक्षक महासंघकी अध्यक्ष कमला तुलाधर, महासचिव लक्ष्मीकिशोरसुवेदी, आन्दोलन परिचालन समिति संयोजक नानुमाया पराजुली, नेपाल राष्ट्रिय शिक्षक संगठन, नेपाल शिक्षक संघ र एकीकृत अखिलनेपाल शिक्षक संगठनका प्रतिनिधि वार्तामा सहभागी थिए । शुक्रबार बिहान ९ बजे फेरि छलफल गर्ने सहमति भएको दुवै पक्षलेबताएका छन् । यसअघि बिहीबार बिहान पनि वार्ता भएको थियो ।
विद्यालय शिक्षा विधेयकमा १७ बुँदे असहमति राख्दै शिक्षकहरुले बुधबारदेखि देशभरका सामुदायिक विद्यालयको पठनपाठन ठप्प पारेरकाठमाण्डू केन्द्रित आन्दोलन सुरु गरेका हुन् । आन्दोलनमा ७७ वटै जिल्लाबाट हजारौं शिक्षक/शिक्षिका राजधानी आएका छन् । अस्थायी प्रकृतिका शिक्षकको स्थायित्व, विद्यालय कर्मचारीको दरबन्दी सृजना, विद्यालय संरचनाबाहिर रहेका बाल कक्षा शिक्षक, अस्थायी अवधि गणना तथा निवृत्तिभरण, शिक्षक बढुवा, प्रधानाध्यापक नियुक्ति, सरुवा र कार्यसम्पादन मूल्याङ्कनलगायत माग अघिसारेका छन् । आफूहरुलाई स्थानीय तह मातहत राखिएकामा सबैभन्दा बढी आपत्ति जनाएका छन् ।
