हुम्लाबाट पोखराका लागि उडेको हेलिकोप्टर दाङमा आकस्मिक अवतरण
काठमाण्डु टुडे
२०८० भदौ २८ गते ९:०७ मा प्रकाशित
काठमाण्डु, २८ भदौ– हुम्लाबाट पोखराका लागि उडेको कैलाश एयरको हेलिकोप्टर दाङमा आकस्मिक अवतरण गरिएको छ ।
लालमटियास्थित आदर्श नमुना माविको प्रांगणमा बुधबार साँझ हेलिकोप्टर आकस्मिक अवतरण गरिएको हो ।
इलाका प्रहरी कार्यालय देउखुरीले खराब मौसमका कारण पोखरामा अवतरण गर्न नसकेपछि आकस्मिक अवतरण गरिएको जनाएको छ ।
इलाका प्रहरी कार्यालय भालुवाङका प्रमुख प्रहरी निरीक्षक उज्जवल सिंहले हेलिकोप्टरमा पाइलटसहित पाँच जना सवार रहेको बताए ।
