सुवास नेम्वाङ मेरो हितैषी मित्र र सुख दुःखका साथी हुन्ः ओली

काठमाण्डू, २६ भदौ– एमाले अध्यक्ष केपी ओलीले पार्टी उपाध्यक्ष एवम् संसदीय दलका उपनेता सुवास नेम्वाङ आफ्नो हितैषी मित्र रसुख दुःखको साथी भएको बताएका छन् ।

नेम्वाङको निधनमा सामाजिक सञ्जाल फेसबुकमा लेख्दै ओलीले नेम्वाङलाई मृदुभाषी, विनम्र, शालीन व्यक्तित्व भएको स्मरण गरे ।ओलीले लेखेका छन–

‘मेरा लागि उहाँ पार्टीको उपाध्यक्ष मात्र होइन, हितैषी मित्र र सुख दुःखको साथी हुनुहुन्थ्यो,’ अध्यक्ष ओलीले फेसबुकमा लेखेका छन्, ‘लोकतान्त्रिक संविधान निर्माण गर्न उहाँले पुर्‍याउनु भएको योगदान सधैं सम्झिरहने छौं । मृदुभाषी, विनम्र, शालीन मेरा साथी सुवासनेम्वाङप्रति भावपूर्ण श्रद्धाञ्जली! उहाँका जीवनसंगिनी र परिवारजनमा गहिरो समवेदना व्यक्त गर्दछु।’