- शुक्रबार, ५ असोज, २०८०
काठमाण्डु, २८ साउन– नक्कली शैक्षिक प्रमाणपत्रको आरोपमा पक्राउ परेर अदालतको आदेशमा तारेखमा रिहा भएका काँग्रेस सांसद सुनिल शर्माले आफ्ना सभापति शेरबहादुर देउवा पत्नी आरजु राणा प्रधानमन्त्री बन्ने दाबी गरेका छन् ।
उनले पुष्पकमल दाहाल प्रचण्ड नेतृत्वको सरकारबाट बाहिरिएर आरजुको नेतृत्वमा सरकार निर्माण गर्ने दाबी गरे । उनले आरजु राणा आफ्नो अभिभावक भएको बताए । नक्कली भुटानी शरणार्थी प्रकरणमा गृहमन्त्री नारायणकाजी श्रेष्ठले आरजुको राजनीतिक हत्या भएको उनको भनाइ थियो । शर्माले आरजु, गगनकुमार थापा, विश्वप्रकाश शर्मा र डा. शेखर कोइरालाबीच सहमति गराउने प्रयासमा आफू लागिसकेको उनको भनाइ थियो ।
‘आरजु मेरो नेता हो । मेरो प्यारेन्ट्स हो । सभापतिको वाइफ हो । त्यति मात्र होइन । भावी नेपालको प्रधानमन्त्री हो । काँग्रेसलाई मिलाउने हो भने गगनजी, शेखर दाईहरुले सबै बसेर आरजुलाई एक वर्ष प्रधानमन्त्री दिने । शेखरलाई कार्यबाहक प्रधानमन्त्री दिने । त्यसपछि गगन, विश्वा वा चन्द्र भण्डारीलाई दिने । यो पाँच वर्षभित्रै शेखरलाई एकपटक सभापति र प्रधानमन्त्री दिएर नयाँ पुस्तालाई जिम्मेवारी हस्तान्तरण गर्ने’, शर्माले भने ।
उनले आफू पक्राउ परेका बेला आरजुले सरकारको विरोध गरेको भन्द प्रशंसा गरे ।
