- आइतबार, २३ वैशाख, २०८१
काठमाण्डु,१९ असार– सुटिङका क्रममा दुर्घटना हुँदा शाहरुख खान घाइते भएका छन् ।
अमेरिकाको लस एन्जलसमा आफ्नो आगामी फिल्मको छायांकन गरिरहेका उनको नाक र अनुहारमा गहिरो चोट लागेको छ । दुर्घटनापछि रक्तस्राव रोक्नको लागि अमेरिकामै सानो शल्यक्रिया गरिएको थियो ।
उनको स्वास्थ्यमा केही सुधार आएपछि उनलाई मुम्बई फर्काइएको इ–टाइम्सको रिपोर्टले जानकारी दिएको छ । लस एन्जलसमा भइरहेको एक प्रोजेक्टको छायांकन गर्दा चोट लागेपछि उनको नाकबाट रगत बगेको बताइएको छ ।
रगत बग्न थालेपछि उनलाई तत्कालै अस्पताल लगिएको थियो । ३१ वर्ष लामो करिअरमा शाहरुख सुटिङका क्रममा धेरैचोटि घाइते भएका छन् ।२०१७ मा रईसको सुटिङका क्रममा उनको घुँडा र अनुहारमा चोट लागेको थियो।
त्यस्तै सन् २०१३ मा फिल्म चेन्नई एक्सप्रेसको सुटिङ सकिएपछि उनले आठवटा शल्यक्रिया गरेका थिए ।सन् २००९ मा पनि उनको बायाँ काँधमा चोट लागेपछि शल्यक्रिया गरिएको थियो ।
