- शुक्रबार, २ जेठ, २०८२
काठमाण्डु,१ माघ–काठमाण्डुबाट ६८ जना यात्रु र चालक दलका चार जना सदस्य लिएर पोखराका लागि उडेको यति एयरलाइन्सको जहाज पोखरामा भएको दुर्घटनाप्रति पाकिस्तानको राष्ट्रिय संसदले दुःख व्यक्त गरेको छ ।
पाकिस्तानको राष्ट्रिसभा संसदका सभामुख राजा पर्वेज असरफ र उपसभामुख जाहिद अक्रम दुर्रानीले विमान दुर्घटनाप्रति दुःख व्यक्त गरेका छन । ‘विमान दुर्घटनाबाट दर्जनौँ मानिसको ज्यान गएको खबरबाट हामी दुःखी छौँ ।
यो दुःखको घडीमा पाकिस्तान, नेपाल सरकार र आम नागरिकसँग ऐक्यवद्धता जनाउँछ छ,’ पाकिस्तानको राष्ट्रिसभाको ट्वीटर ह्याण्डलमा दुख व्यक्त गरिएको छ ।
