- शुक्रबार, २१ मंसिर, २०८१
रुपन्देही, ११ असोज – लुम्बिनी प्रदेशमा भएका छुट्टाछुट्टै दुर्घटनामा तीन जनाको मृत्यु भएको छ । बाँके, नवलपरासी (पश्चिम) र रुपन्देहीमा भएका दुर्घटनामा तीन जनाको मृत्यु भएको प्रहरीले जनाएको छ ।
नवलपरासी (पश्चिमं) जिल्लाको सुनवल नगरपालिका–१२ नबिन टोलमा ना ८ ख २८७७ नम्बरको ट्रकले प्रदेश ३–०२–००८ प ४३२३ नम्बरको मोटरसाइकललाई ठक्कर दिँदा रुपन्देहीको बुटवल उपमहानगरपालिका–१५ सेमलार बस्ने २५ वर्षीय सौरभ सुवेदीको उपचारको क्रममा मृत्यु भएको प्रहरीले जनाएको छ ।
बाँके जिल्ला पनि बसको ठक्करबाट एक जनाको मृत्यु भएको छ । जिल्लाको कोहलपुर नगरपालिका–९ पार्वतीपुर नजिक सडकमा लु १ च ६९८७ नम्बरको बसको ठक्करबाट पैदलयात्री ३५ वर्षीय धर्मराज घर्तीको मृत्यु भएको छ । प्रहरीले बसका चालकलाई नियन्त्रणमा लिएको बताएको छ ।
यता रुपन्देहीको बुटवलमा निर्माणाधीन घरबाट खस्दा ३० वर्षीय किसन चौधरीको मृत्यु भएको छ ।
