- बिहीबार, ६ वैशाख, २०८१
सिड्नी– अष्ट्रेलिया भ्रमणमा रहेका नेकपाका केन्द्रीय सदस्य युवराज चौलागाईंले त्यहाँको कम्युनिष्ट पार्टी सामाजवादी गठबन्धन (सोसलिष्ट 
अलाइन्स) अष्ट्रेलियाकी अध्यक्ष सुसन प्राइससँग भेटवार्ता गरेका छन् ।
सिड्नीस्थित सो पार्टीको केन्द्रीय कार्यालयमा भएको भेटमा नेपाल–अष्ट्रेलिया सम्बन्धका विविध आयामबारे छलफल भएको चौलागाईंले जानकारी दिए ।
उनका अनुसार नेपालमा मुलधारका दुई ठूला कम्युनिष्ट पार्टी तत्कालिन एमाले र माओवादी केन्द्रबीच भएकता भएर नेकपा गठन भएकामा खुसी व्यक्त गर्दै प्राइसले बधाई तथा शुभकामना दिएकी थिइन् । डेढ घण्टा लामो छलफलमा उनीहरुबीच दुई मुलुक तथा दुई पार्टीबीच सम्बन्ध थप प्रगाढ बनाउने विषयमा छलफल भएको थियो ।
‘भेटघाटले नेपाल–अष्ट्रेलिया र नेकपा तथा सामाजिक अलाइन्स अष्ट्रेलियाबीच सम्बन्ध थप सुमधुर बन्ने विश्वास लिएको छु’, सिड्नीबाट चौलागाईंले भने ।
