- आइतबार, २८ वैशाख, २०८२
काठमाण्डु, ९ जेठ – सरकारले मेलम्ची खानेपानी आयोजना निर्माण तत्काल अघि बढाउने निर्णय गरेको छ ।
मन्त्रिपरिषद्को केही दिनअघि बसेको बैठकले मेलम्ची खानेपानी आयोजनाको काम तत्काल अगाडि बढाउने निर्णय गरेको हो ।
सरकारका प्रवक्ता, सञ्चार तथा सूचना प्रविधि मन्त्री गोकुल बाँस्कोटाले रोकिएको काम तत्काल अघि बढाउन सरकारले छिटो प्रक्रिया अपनाएर निर्माण पुरा गर्ने निर्णय गरेको जानकारी दिए ।
इटालिएन कम्पनी सिएमसीका कारण मेलम्ची क्षेत्रमा उत्पन्न भएका समस्या समाधानको पहल पनि सरकारले नै थाल्ने बाँस्कोटाले बताए ।
‘मेलम्चीको पानी काठमाण्डुमा छिटो भन्दा छिटो पानी ल्याउन नयाँ ठेकेदार खोज्नेदेखि काम विभाजन गर्नेसम्मका विकल्प खोज्न सरकार तयार छ’, उनले भने ।
