- मंगलबार, २५ भदौ, २०८१
काठमाण्डु, ९ जेठ – प्रधानमन्त्री केपी शर्मा ओलीले भारतीय प्रधानमन्त्री नरेन्द्र मोदीलाई बधाई दिएका छन् । भारतीय लोकसभा निर्वाचनमा प्रधानमन्त्री मोदीको पार्टीले बहुमत ल्याएपछि प्रधानमन्त्री ओलीले बधाई दिएका हुन् ।
मतगणना जारी रहेकै बेला प्रधानमन्त्री ओलीले सामाजिक सञ्जाल ट्विटरमा लेख्दै मोदीलाई बधाई दिएका छन् ।
‘प्रधानमन्त्री नरेन्द्र मोदीजीलाई लोकसभा चुनाव २०१९ मा प्राप्त गरेको चुनावी जीतका लागि बधाई दिन्छु’, ट्वीटरमा प्रधानमन्त्री ओलीले लेखेका छन्, ‘आगामी दिनमा सफलताको कामना गर्छु । निकट सम्बन्धमा रहेर काम अघि बढाउन प्रतीक्षारत छु ।’
मतगणनामा नरेन्द्र मोदी नेतृत्वको एनडीए गठबन्धनले स्पष्ट बहुमत ल्याउने देखिएको छ । विपक्षी कांग्रेस नेतृत्वको यूपीए गठबन्धन र अन्य पार्टीको कमजोर प्रदर्शन रहेको छ ।
प्रधानमन्त्री ओलीले कार्यकालको सफलताको शुभकामना दिँदै आगामी दिनमा अझै निकट भएर काम गर्ने इच्छा व्यक्त गरेका छन् ।
