- शुक्रबार, १२ असोज, २०८०
काठमाण्डु, २६ वैशाख – चावहिल–बौद्ध–जोरपाटी सडकखण्ड छिट्टै पिच गर्न माग गर्दै व्यापारी र स्थानीय बासिन्दाले अनिश्चितकालीन आन्दोलन सुरु गरेका छन् ।
सडक पिच नभएसम्म आन्दोलन जारी राख्ने उनीहरुले बताएका छन् । उनीहरुले समयमा काम सम्पन्न नगर्ने ठेकदारलाई कारवाही गर्नुपन माग समेत गरेका छन् ।
स्थानीय बासिन्दा र व्यापारीले ‘धुलो धुवाँ धेरै भो, कालो पत्र छिटो गर’ ‘विश्व सम्पदाको संरक्षण गर’ लगायतका नारा लगाउँदै प्लेकार्ड बोकेर सडकखण्डमा प्रदर्शन गरेका छन् ।
लामो समयदेखि सडक मर्मत चावहिल–बौद्ध–जोरपाटी सडकमा हिँड्डुल गर्न समस्या छ । यो सडकमा घाम लागेका बेला धुलो उड्ने र पानी परेका बेला हिलाम्मे हुने समस्या छ ।
