- बुधबार, २६ भदौ, २०८१
एजेन्सी । उत्तर प्रदेशको वाराणसीबाट भारतीय प्रधानमन्त्री नरेन्द्र मोदी भारतीय जनता पार्टीको तर्फबाट लोकसभा निर्वाचनमा मैदान उत्रँदैछन् ।
यस क्षेत्रबाट काँग्रेसले अहिलेसम्म कसैलाई उमेद्वार बनाएको छैन् । यसबीचमा काँग्रेस नेत्री प्रियंका गान्धीले आफू मोदीसँग चुनाव लड्न तयार भएको बताएकी छन् ।
काँग्रेस प्रमुख राहुल गान्धीका बहिनी प्रियंकाले भनिन्, ‘यदी भाई राहुल गान्धी राजी भए म वाराणसीबाट चुनाव लड्न तयार छु ।’
आफू मोदीको प्रतिस्पर्धी बन्न पाउँदा खुशी हुने उनले बताइन् । उनले चुनावमा भोट गर्नका लागि भारतवासीलाई अपिल समेत गरेकी छन् ।
भारतमा ७ चरणमा सम्पन्न हुने लोकसभा निर्वाचन जारी छ । गत अप्रिल ११ बाट सुरु निर्वाचन सुरु भएको हो । २ चरणको निर्वाचन सम्पन्न भइसकेको छ ।
प्रधानमन्त्री मोदी उठेको क्षेत्र उत्तर प्रदेश वाराणसीमा सातौं चरणमा अर्थात् मे १९ तारिखमा निर्वाचन हुनेछ ।
