प्रहरीलाई १ सय रुपैयाँ घुस दिन खोज्ने तामाङ पक्राउ

काठमाण्डु, ४ बैशाख – प्रहरीलाई घुस दिन खोज्ने एक चालकलाई प्रहरीले पक्राउ गरेको छ ।

ड्युटीमा खटिएका प्रहरीलाई १ सय रुपैयाँ घुस दिन खोज्ने बा ४ ख ८५७३ नम्बरको ट्रिपरका चालकलाई मंगलबार राति प्रहरीले पक्राउ गरेको हो । पक्राउ पर्नेमा धादिङ थाक्रे गाउँपालिका घर भएका २६ वर्षीय वीरबहादुर तामाङ रहेको प्रहरीले जनाएको छ ।

प्रहरीले ट्रिपर जाँच गर्ने क्रममा रुट परमिट नभएको पाएपछि कारबाही गर्न लागेका थिए । तर कारवाहीबाट बच्न चालक तामाङले प्रहरीलाई नगद १ सय रुपैयाँ दिएर आर्थिक प्रलोभनमा पार्न खोजेका थिए ।