- आइतबार, २० असोज, २०८१
काठमाण्डु, सत्तारुढ एमालेले माघ ८ मा संविधान आउने सम्भावना घर्किंदै गएको निष्कर्ष निकालेको छ ।
मुख्यालय बल्खुमा आइतबार बसेको स्थायी समिति बैठकले त्यस्तो निष्कर्ष निकालेको हो । यद्यपि बैठकले सहमति प्रयासमा दलीय छलफल भने जारी राख्ने निर्णय गरेको छ ।
बैठकले संविधानका विवादमा सहमति नभए प्रक्रियाबाट टुंग्याउनुपर्ने निर्णय गरेको उपाध्यक्ष युवराज ज्ञवालीले बताए । उनले प्रक्रियामा जानेबारे संविधानसभा अध्यक्ष सुवास नेम्वाङसँग परामर्श गर्ने पनि बताए ।
एमालेले जातीय विद्वेष फैलाउने खालको संघीयता मुलुकका लागि प्रत्युत्पादक हुने पनि दोहो¥याएको छ । तराई र पहाड अलग गर्नुपर्ने र जातीय पहिचान झल्कने गरी प्रदेशसभाको नाम राख्न नसकिने ज्ञवालीले बताए ।
बैठकमा चार दलीय कार्यदलका सदस्यसमेत रहेका उपाध्यक्ष भीम रावलले कार्यदलमा भएको छलफलबारे जानकारी गराएका थिए । उानले संविधानसँगै सत्ता साझेदारीका विषयमा समेत छलफल गर्नुपर्ने उल्लेख गरे ।
