- शुक्रबार, ७ चैत, २०८१
एजेन्सी–नाइजेरियाली प्रहरीले एक तेह्र वर्षीया आत्मघाती आक्रमणकारी बालिकालार्ई पक्राउ गरेको समाचार छ ।
नाइजेरियाको उत्तरपश्चिम कानो सहरमा गत डिसेम्बर १० मा कान्टिन क्वारी बजारमा भएको आक्रमणको घटनामा संलग्न रहेकी ती बालिकालाई प्रहरीले पक्राउ गरेको जनाइएको छ ।
कानो सहरस्थित पत्रकारहरुलाई प्रहरी प्रमुख आडेरेन्ले सिनाबाले १३ वर्षीया ती बालिका पक्राउ परेकी बताएका थिए ।
उपचारका लागि कानो अस्पतालमा गएकी ती बालिकालाई प्रहरीले पक्राउ गरेको सिनाबाले थप जानकारी दिए ।
कानो सहरमा गत डिसेम्बरमा कन्टिन क्वारी बजारमा भएको आक्रमणमा घाइते भएपछि उपचारका लागि उनी अस्पताल पुगेकी प्रहरीले जानकारी दिएको छ ।
नाइजेरियामा सन् २००९ देखि बोको हराम आतङ्ककारी समूहले जारी भिषण आक्रमणहरुमा महिला र बालबालिकासहित हजाराँै व्यक्तिको मृत्यु भइसकेको जनाइएको छ ।
