- आइतबार, १५ असार, २०८२
काठमाण्डू, १५ असार– काठमाण्डू र ललितपुरका दुई फरक ठाउँमा दुई जनाको शव फेला परेको छ । काठमाण्डू गोकर्णेश्वर नगरपालिका–७ दक्षिणढोकामा एक पुरुषको शव फेला परेको हो ।
दक्षिणढोका डेरा गरी बस्ने धादिङ धुनीबेशी नगरपालिका–६ घर भएका ३५ वर्षीय रमेश आचार्य आफ्नै कोठामा आइतबार मृत अवस्थामा फेला परेको प्रहरीले जानकारी दिएको छ ।
त्यसैगरी ललितपुरको महालक्ष्मी नगरपालिका–२ उदयबस्तीस्थित पुरानो भत्किएको घरमा एक महिला मृत भेटिएकी छिन् । नाम, थर र वतन नखुलेकी अन्दाजी ३५ वर्षीया महिला आइतबार मृत अवस्थामा फेला परेको प्रहरीले बताएको छ ।
