- मंगलबार, ४ चैत, २०८१
काठमाण्डु, ४ पुस– भारत तथा पाकिस्तानका विभिन्न नम्वरबाट लाखौं रकम तथा कार गाडी पुरस्कार परेको छ भनी ठगी गर्ने अभियुक्तलाई महानगरीय अपराध महाशाखा हनुमानढोकाको विशेष टोलीले पक्राउ गरेको छ ।
अनुसन्धानका क्रममा प्रहरीले विभिन्न व्यक्तिलाई मारुती सुजुकी कार र चिठ्ठा परेको छ, उक्त चिठ्ठावापत पुरस्कार प्राप्त गर्न सरकारलाई राजस्व बुझाउनुपर्ने भन्दै सर्वसधारणबाट लाखौँ ठगी गर्नेलाई पक्राउ गरेको प्रहरीद्वारा जारी विज्ञप्तिमा उल्लेख छ ।
सो ठगीको अभियोगमा प्रहरीले बैतडीका दिपेन्द्र भट्ट, मोरङका सुनिल प्रधान र पिङ्कु भनिने तारिक अलीलाई पक्रेको जनाएको छ । रासस
