- बुधबार, १२ चैत, २०८१
काठमाण्डु, १ पुस– भन्सार छली गरी मोटरसाइकल बिक्री गर्ने गिरोहमध्येका दुई जनालाई प्रहरीले काठमाण्डुबाट प्रक्राउ गरेको छ ।
प्रहरीले उनीहरुसँग दुई थान बा४६प १७६५ नम्बरको र लु १५प ३१७४ नम्बरको रोयल इन्फिल्ड मोटरसाईकल र तीनका बिलबुक जफ्त गरेको छ ।
पक्राउ पर्नेमा कैलाली मालाखेती गाविसका ग्रिसबहादुर सिंह र धादिङ्ग ज्याम्बु घर भएका गौतम श्रेष्ठ रहेको प्रहरीले जनाएको छ ।
उनीहरुले नक्कली बिलबुक, पाछ तथा हस्ताक्षर गरी बेच्दै आएको प्रहरीको भनाई छ । बरामद भएका मोटरसाइकलहरु धनगढीबाट भित्रायाई काठमाण्डु ल्याइएको अनुसन्धानमा खुल्न आएको प्रहरीले जनाएको छ ।
चोरी गरिएको मोटरसाइकल तथा भन्सारछली गरी ल्याउने मोटरसाइकल गिरोहलाई प्रहरीले खोजी गरि रहेको जनाएको छ ।
