घोराही, १६ कात्तिक– तुलसीपुर नगरपालिकाकी पाँच वर्षे एक बालिका बलात्कृत भएकी छिन् । दाङ प्रहरीका अनुसार एक युवकले चुइगम खुवाउन लोभ देखाएर बालिका अपहरण गरेको र घोराही लगेर बलात्कार गरेको बुझिएको छ ।
बालिकाले आफूलाई चुइगम खुवाउँछु भन्दै ल्याएको बताएकी छिन् । उनलाई छाडेर युवका बिहान भागेको हुन सक्ने प्रहरीले अनुमान गरेको छ ।
बालिकालाई प्रहरीले घोराही बजार नजिकैबाट अचेत अवस्थामा उद्धार गरी उपचारका लागि राप्ती उपक्षेत्रीय अस्पतालमा भर्ना गरेको छ ।
पाँच वर्षकी बालिका बलात्कार गर्ने व्यक्तिको खोजी भइरहेको दाङ प्रहरीले जनाएको छ । घोराही र तुलसीपुर क्षेत्रमा खोजी र अनुसन्धान जारी राखिएको जिल्ला प्रहरी कार्यालयका डिएसपी ओमबहादुर रानाले बताए ।