- शनिबार, १३ असार, २०८३
काठमाण्डु, १७ भदौ– प्रधानमन्त्री सुशील कोइरालाले विकासका लागि अनुकुल बन्दै गएको वातावरण नबिगार्न सबैलाई आग्रह गरेका छन् ।
बाढीपहिरो प्रभावितलाई राहत हस्तान्तरण गर्न मंगलबार बालुवाटार पुगेका विभिन्न संघसंस्थाका प्रतिनिधिसँगको भेटमा उनले नेपालको जलविद्यतु विकासमा भारतले सहयोगको हात अघि बढाएका बेला नकारात्मक कुरा गरेर वातावरण नबिर्गान आग्रह गरेका हुन् ।
‘भारतले सहयोगको हात अघि बढाएको, हामीले त्यसलाई सकारात्क रुपमा लिनुपर्छ’, कोइरालाले भने, ‘नकारात्मक कुरा गरेर बनिरहेको वातावरण नबिगारौं ।’ उनले नेपाल र भारत दुवै सार्वभौम मुलुक रहेको भन्दै दुवैको जित हुने अवस्थामा सम्झौता हुने बताए । कोइरालाले तोकिएकै मितिमा मुलुकले संविधान पाउने दाबी दोहोर्याए ।
संविधानसँगै मुलुकमा शान्ति, स्थायित्व, लोकतन्त्र, र विकास एकैपटक आउने उनको भनाइ थियो ‘तोकिएकै मितिमा संविधान आउँछ, आउँछ’, कोइरालाले भने, यो मेरो संकल्प हो, पूरा गरेरै छाड्छु ।’
