- सोमबार, २३ असार, २०८२
दाङ, ३१ साउन– अविरलवर्षासँगै दाङमा बबई नदीमा आएको बाढीले बगाएर दाङमा बेपत्ता भएकामध्ये थप ७ जना मृत भेटिएका छन् ।
यो सँगै दाङमा बाढी र पहिरोमा परेर मृत्यु हुनेको संख्या १३ पुगेको छ । जिल्ला प्रहरी कार्यालय दाङले शनिबार बिहान बाबई नदी किनारमा थप सात वटा शव फेला परेको जनाएको छ ।
धनौरी–२ का ६० वर्षीय शेरबहादुर वली, उनकी श्रीमती ५६ वर्षीया खली वली र छोरी १२ वर्षीया अस्मिता, डुरुवा–१ की ९ वर्षीया लीला खत्री, गोल्टाकुरी–३ की सुनिता डाँगी मृत फेला परेका हुन् ।
उनीहरुलाई शुक्रबार बबइमा आएको बाढीले बगाएको थियो । उता दाङकै पुरन्धारामा एउटा चिराघाटमा एटा शव फेला परेको छ । मृतकको सनाखत हुन सकेको छैन । बाढीले बगाएका ४ जना अझै हराइरहेका छन् ।
